• PDF

Viðtøkur

Navn og endamál

§ 1
Navn felagsins er Tórshavnar Manskór. Heimstaður felagsins er í Tórshavn.

§ 2
Endamál felagsins er at fremja kórsang í Føroyum, og at virka fyri at fremja vitanina um og áhugan fyri føroyskum manskórsangi uttanlands, herundir serliga í Norðurlondum.

Limaskapur

§ 3
Avgerð um limaskap verður tikin av nevndini. Nevndin kann avgera, at limur skal meldast úr kórinum, um limur ikki heldur viðtøkur ella samtyktir hjá kórinum.

§ 4
Limagjaldið verður ásett av ársaðalfundinum, og verður at gjalda eftir nærri avgerð frá nevndini.

Limur kann til eina og hvørja tíð við fráboðan til nevndina melda seg úr kórinum.

Nevndin

§ 5
Felagið verður stjørnað av eini 3-manna nevnd, sum verður vald fyri 1 ár í senn á ársaðalfundi. Eisini verður valdur 1 tiltakslimur.

Nevndin skipar seg sjálv við formanni, næstformanni og kassameistara.

Formaðurin kallar saman til nevndarfundar, tá hann heldur hetta vera neyðugt, og skal kalla nevndina saman, um 1 nevndarlimur krevur tað.

Felagið verður bundið av undirskrift formansins og einum nevndarlimi.

Roknskapur

§ 6
Roknskapur felagsins er frá 1. august til 31. juli. Roknskapurin verður grannskoðaður av einum grannskoðara, sum verður valdur á ársaðalfundinum.

Aðalfundurin

§ 7
Aðalfundurin er hægsta vald felagsins. ársaðalfundurin verður hildin hvørt ár í september mánað og verður lýstur við minst 1 viku og hægst 3 vikurs varningi við skrivi/telduposti til limirnar.

Avgerðir á aðalfundi verða tiknar við vanligum meiriluta millum teir, ið atkvøtt hava.

Skráin fyri ársaðalfundin er henda:

  1. Val av fundarstjóra
  2. Frásøgn frá nevndini fyri farna árið.
  3. Framløga av grannskoðaðum roknskapi.
  4. Val av nevndarlimum.
  5. Val av tiltakslimi.
  6. Val av vevstjóra.
  7. Val av 3 veitslunevndarlimum.
  8. Val av grannskoðara.
  9. Ásetan av limagjaldi.
  10. Ymiskt.

Viðtøkubroytingar og avtøka

§ 8
Til broyting av hesum viðtøkum krevst, at minst 2/3 av teimum, sum atkvøtt hava, hava atkvøtt fyri hesum.

§ 9
Felagið kann verða tikið av, um tað á fundarskrá¡nni fyri aðalfundin er lýst, at tílíkt kemur til viðgerðar. Uppskotið er tá bert samtykt, um 2/3 av teimum, sum atkvøtt hava, hava atkvøtt fyri hesum.

Verður felagið tikið av, ger aðalfundurin av við vanligum meiriluta, hvussu vera skal við ognum tess.

Soleiðis samtyktar á ársaðalfundi tann 20. februar 2006.

Joomla Template: from JoomlaShack
Myndir á Flickr
Elt onkran á Twitter
Musikkur á YouTube